طريقة عمل الصمون الكهربائي من المطبخ العراقي

المقادير:-
ــــــــــــــــــــــــــــ
الصمون
كوب حليب سائل , نص كوب ماء , ربع كوب زبدة , 4 أكواب ونص طحين ويجوز منستخدمه كله , 1 ملعقة طعام خميرة فورية , 2 ملعقة طعام سكر ابيض , 2\1 1 ملعقة شاي ملح , 1 بيضة

نسخن الحليب والزبدة والماي لاتخلوه يفور مجرد يدفى واتركوه يبرد على جهة 

بوعاء جبير حطوا كوب و4/3 طحين والخمرة والسكر والملح واخلطوهن

وبعدين ضيفوله خليط الحليب والبيضة 

ضيفوا الطحين نص كوب واعجنوا كل مرة نص كوب واضربوا العجينة حيل ممكن متحتاجون الطحين كله اني مثلا اكو انواع طحين اخذ الكمية كلها
واكو لا وهذا يعتمد على نوعية الطحين وحجم البيضة 

الى ان تتشكل
الكم كتلة من العجين اخذوها على سطح مرشوش طحين وابدوا اعجنوا بيها حوالي 8 الى 10 دقايق الى ان تحصلون على عجينة ناعمة ومتلزك بايديكم ومطاطية وموقاسية وطبعا اللي عنده عجانة تسهل هوواي عليه اتركوها ترتاح حوالي ربع ساعة بس وتعالوا قسموها الى 16 كرة متساوية

ولفواها بشكل اسطواني وخلوها بصينية مدهونة امسحوهن بحليب حتى تنطيه لون حلو من ينخبز

اقفلوها هيجي بالاخير وحاولوا مكان القفلة يصير ليجوة من تحطوها بالصينية

 هسه تعالوا غطوا الصينية بشرشف نظيف واتركوها ساعتين

بعد ساعتين تعالوا دخلوهن بفرن محمي على درجة حرارة 200 مئوي حطوها بنص الفرن راح تاخذ منكم 10 دقايق طفوا الجوة وافتحوا الفوك وابقوه يم الفرن لاترحون تلتهون بشي ثاني ترة بسرعة يصير بعد مااخذ اللون الحلو جيبوا سوليفان وغطوا الصينية كامل بيه وفوكاه شرشف نظيف يبقة فد ربع ساعة حتى يصير طري بفعل البخار